KALIBO, Aklan—Plano makaron it lokal nga gobyerno it Kalibo nga magbutang it Closed-circuit television ukon CCTV sa mga kalye it andang kabaranagayan.
Suno kay Kalibo Sangguniang Bayan member Augusto Tolentino nga ginpasa nana ro resolution ko Hunyo 18, 2019 kun siin raya hay pirmado ag aprubado eon ni Kalibo Mayor Emerson Lachica.
Target sigon nanda nga magbutang it limang ka mga CCTV sa kada barangay it Kalibo.
Suno kana, mabahoe ro bulig it pag-instalolar it CCTV agud nga madasig nga ma-respondehan ro mga aksidente kamana man nga mapadasig ro pagtumod sa direksyon it mga suspek engkaso nga may matabo nga krimen.//Nagaeaum man si Tolentino nga ma-implementar eon raya sa mas madali nga tyempo.
Nasayuran nga naga-abot sa P1,200,000 ro pondo nga gintaeana it LGU para sa nasambit nga proyekto.
