KALIBO, Aklan—Plano makaron it lokal nga gobyerno it Kalibo nga magpatindog it pasalubong center.
Sa nagtapos nga regular session it Sangguniang Bayan, ginpatpat ni SB Member Ronald Marte, liga ng mga barangay president ro anang ginaproponer nga resolution.
Nakabaeahag sa nasambit nga proposisyon ro pagta-o it importansya sa ginapabugae nga produkto it banwa para maibaligya sa mga turista nga nagabisita sa lugar.
Suno pa kay Marte, maabo ro produkto it banwa apang owa eamang it lugar para butangan kara.
Kinahang-ean man suno kana nga i-promote sa ibang lugar ro mga kaugalingon naton nga produkto kon sa siin dugang pa raya nga pangabuhian it mga pomueoyo sa lugar.
Nasayuran nga ro banwa it Makato ag Ibajay hay may una eon nga pasalubong center ag idto ginabaligya it mga residente ro andang nagkaeain-eain nga mga produkto.
