KALIBO, Aklan—Gintalakay sa Sangguniang Bayan ro may kaangtanan sa plano it lokal nga gobyerno it Kalibo nga magtukod it sambilog pa nga birthing ag polyclinic facilities.
Ro pasilidad hay igatukod sa barangay Nalook nga may nakataeana nga pondo nga kapin sa P39 milyon.
Sangka proposed resolution ro gindihon sa SB agud nga taw-an it otoridad si Kalibo Mayor Emerson Lachica nga magtaeana it nasambit nga kantidad sa pagtukod it pasilidad para sa mga maga-unga kasunod it pag-ginutok it mga naga-unga sa Aklan Provincial Hospital.
Nasayuran nga may naga-eksister eon nga birthing clinic sa N. Roldan St. Kalibo, apang bukon pa it masyadong operational.
Ro plano hay ginpuna it pilang SB members ag ginsuhestiyon nga paganahon anay it eubusan ro naga-eksister nga birthing facility antes nga magtukod it panibag-o.
