Ginamonitor makaron it lokal nga gobyerno it Malay ro industriya it turismo sa isla it Boracay kon makaapekto it mabahoe sa operasyon ro Middle East tension.
Raya hay bangud sa ginaeauman nga pagtaas it operational cost it mga accommodation establishments ag iba pang negosyo, pagtaas it pamasahe sa eroplano ag maging ro mga travel fees.
Suno kay Malay SB member Vicky Aguirre, haeos tanan makaron hay nagsitaasan agud nga mapabilin nga buhi ro negosyo sa tunga it ginapangatubang nga krisis sa ekonomiya tuga it gyera sa Middle East nga gin-umpisahan it Estados Unidos ag Israel kontra sa Iran.
Dugang pa ni Aguirre, hugot nga ginamonitor makaron it LGU kon may mga pagbag-o sa tourist arrival maghalin sa foreign hasta it domestic tourist.
Kinahang-ean suno kana nga magtravel by air ro mga turista maghalin sa Metro Manila ag iba pang rehiyon kon gusto it mga raya nga magbakasyon sa Boracay.
Sa oras nga magpataas it pamasahe sa eroplano hay siguradong may mabahoe nga dugang man sa andang travel fees and expenses.
