KALIBO, Aklan — Limang banwa sa probinsiya it Aklan ro nagapabilin nga una sa kategoryang red zone bangud sa African Swine Fever (ASF).
Base sa pinaka-ulihi nga report it Bureau of Animal Industry (BAI) ko Enero 10, 2025, nagapabilin nga apektado it sakit ro mga babuyan sa mga banwa it Kalibo, Lezo, Ibajay, Tangalan, ag Libacao.
Sa pinaka-ulihing ASF watch, 11 nga banwa ro una sa pink ukon buffer zones nga maeapit sa mga lugar nga may impeksyon.
Kaibahan kara ro Batan, Altavas, Balete, Banga, Makato, Numancia, Malay, New Washington, Malinao, Madalag, ag Nabas.
Samtang, ro mga banwa it Buruanga hay ro naga-isaeahanon nga una sa yellow ukon surveillance zone, base sa memorandum nga ginpaguwa it BAI ag sandig sa Amended National ASF Zoning and Movement Plan ukon DA Administrative Circular No. 2, series of 2022.
Sa probinsiya it Antique, ro mga pink zones hay ginaeakipan it mga banwa it Belison, Hamtic, Tobias Fornier, San Jose, Patnongon, San Remigio, ag Sibalom.
Ro mga banwa nga una sa dark green zones ukon mga lugar nga owa it ASF hay ro Tibiao, Sebaste, Barbaza, Libertad, Pandan, Caluya, ag Culasi.
Samtang, siyam nga banwa sa Capiz – Pontevedra, Panay, Panitan, Sigma, Tapaz, Dumalag, Pilar, Sapi-an, ag Ivisan– ro nagapabilin sa red zones.//sa kabilugan, nag-abot eon sa 460 nga siyudad ag banwa sa nasyon ro ginpasaka halin sa red zone paagto sa pink zone hasta ko Enero 10, 2025. Via Aklan Forum
