Nag-umpisa eon nga magtaas ro presyo it lokal nga bugas sa Western Visayas, suno sa Department of Agriculture (DA) Region 6, tuga it pagmahae it baeak-ean it paeay ag pagtaas it gastos sa transportasyon bangud sa krisis sa Middle East.
Base sa monitoring it DA-6, nagsaka ro presyo it pilang klase it bugas; ro lokal nga premium rice hay naging ₱50 kada kilo halin sa ₱48, samtang ro well-milled rice hay kapin sa ₱46.50 halin ₱46.
Nagapabilin nga stable ro imported rice bangud sa kakueangan it bag-ong suplay.
Suno kay DA-6 Regional Technical Director Maria Teresa Solis, nagapangunang rason it pagtaas ro farmgate price it paeay, nga kapin sa ₱20–₱23 kada kilo para sa eabtong ag ₱26–₱28 para sa mamaea nga paeay.
Dugang pa kara nga ro pagmahae it krudo nga nagapataas sa gastos sa logistics.
Sa pihak kara, ginpasiguro it DA nga bastante ro suplay it bugas sa rehiyon nga may 120% rice sufficiency, ag nagapabilin nga sambilog sa mga nagapangunang prodyuser sa nasyon.
Samtang, nagpaandam ro ahensya nga posibleng magtaas it hasta sa ₱2 kada kilo ro presyo it iba pang produktong agrikultura kon magapadayon ro pagtaas it presyo it langis.
Gin-engganyo it DA ro mga negosyante nga inde pagsamantalahon ro sitwasyon ag ginpasiguro sa publiko nga uwa it kakueangan sa suplay samtang nagahilapit ro anihan.
