Gin-anunsyo it Land Transportation Franchising and Regulatory Board (LTFRB) nga magatao sanda it special application permits para sa tanan nga public utility vehicles (PUVs) sa Metro Manila ag sa iba pang probinsya sa nasyon.
Ginhimo it LTFRB ro pahayag angot eon man sa andang mandato nga ipabiling haom ag eowas ro tanan nga public transportation para sa mga Pilipinong sumaeakay.
Suno sa pamunuan it LTFRB nga si Chairperson Atty. Teofilo Guadiz III, maga-umpisa sandang magtao it aplikasyon para sa Transport Network Vehicle Services permits sa Desyembre 15 kon sa siin makabaton ro kapin sa 15,000 nga PUV it nasambit nga permits nga igapanupod sa Desyembre 20 hasta Enero 4 it presenteng dag-on.
Nauna eon nga nakatao it special permits ro LTFRB para sa mga public utility buses nga nag-umpisa ko Nobyembre 18 ag nagtapos ko Nobyembre 29 nga magamit sa Desyembre 23 hasta sa Enero 3 it masunod nga dag-on.
Nakamonitor mat-a ro hensya para sa mga operator it PUV para mapahauman ro pag-abo it mga pasahero sa holiday season.
