-- ADVERTISEMENT --
Kalibo Aklan——Ginkumpirma ni Land Transportation Office (LTO-Aklan) Head Engr. Marlon Velez nga magapanaog eon imaw sa anang pwesto ag igasaylo bilang hepe it Operations Division it Regional Office .
Apang sa makaron hay owa pa it mandu ro andang Regional Director sa ensaktong petsa it anang paghalin ag padayun pa nga nagahueat it direktiba angot sa anang reassignment.
Nasayuran nga si Engr.Velez hay sambilog sa mga ginadayaw nga naging head it LTO-Aklan bangud sa pagiging maeapit kara sa mga empleyado, kliyente , katapo it media ag iba pa sa sueod it haeos daywang dag-on ag sang buean nana nga pagpanerbisyo .
