KALIBO, Aklan — Padayun nga nagatau ro Land Transportation Office (LTO) Aklan it libre nga theoretical driving courses agud nga mabuligan ro mga drivers nga makabo-oe it andang lisensiya.
Uman nga gin insister ni Engr. Marlon Velez, hepe it LTO-Aklan nga ro patakaran angot sa theoretical driving course seminar sa mga aplikante, nga nag-umpisa kato pang 2023 hay nakabase sa mandato it andang ahensya nga magbilog it kultura it responsableng pagmaneho ag masiguro ro kaeowasan sa karsada.
Dugang pa nana nga ginaturo sa drivers education center ro nagakaigo nga kasayuran sa pag-alaga it saeakyan ag defensive driving techniques nga makabulig agud nga malikawan ro aksidente.
Bangud nga naintindihan sigon nanda nga may dugang nga gastos sa pagbo-oe it theoretical driving course sa mga driving schools nga nagabalor it P2,500 rason nga naga offer sanda it libreng training.
Sa oras nga makompleto ro seminar nga naga require it 15 oras hay nagatau sanda it certificate nga pwedeng magamit sa pagbo-oe it student permit.
Pwede sigon nga maka request sa andang taeatapan ro mga LGUs ag private institutions sa pagpatigayon it nasambit nga seminar.
Ko nagtaliwan sigon nga mga domingo hay nagpatigayon sanda it seminar sa Brgy. Bubog, Numancia sandig sa hinyu it SK council kun sa siin nakabaton it libreng TDC seminar ag nakabaton it certicate ro 74 nga mga participants.
