KALIBO, Aklan–Temporaryong igasarado it Department of Public Works and Highways (DPWH)-Aklan ro lumang Kalibo-Numancia Bridge umpisa makaron nga adlaw, Hulyo 26 hasta Agosto 2.
Suno kay Engr. Joey Ureta it DPWH-Aklan nga tuyo kara nga mataw-an it daean ro rehabilitasyon it slope protection it lumang tulay.
Ro konstruksyon sigon it tulay hay maga-umpisa sa idaeom agud masiguro ro pundasyon kara.
Ginakalitan nanda nga maayos it mas temprano ro tulay agud malikawan ro mas mabahoe nga kahalitan.
Ro pondo sigon it pagahimuon nga rehabilitasyon hay halin sa General Appropriations Act.
Madumduman nga nakaangkon it kasamaran ro old bridge matapos ro pagpanaeasa it bagyong Paeng ko nagtaliwan nga dag-on.
Angot kara, temporaryo anay nga paga-ubrahon nga two-way ro bag-ong tulay agud maging tayuyon ro daeagan it trapiko.
