-- ADVERTISEMENT --
KALIBO, AKLAN — Insigidang ginbuhian sa dagat ro sangka pawikan nga nadakpan sa netting it sangka mangingisda sa kadagatang sakop it Brgy. Camanci Norte, Numancia, Aklan.
Ginpahayag ni Philippine Coast Guard (PCG) Auxilliary 611 Squadron Western Visayas operation’s officer Pepito Ruiz, takna alas-6:30 it agahon kat makit-an ro pawikan.
Ginatantyang raya hay may kabug-aton nga 59 kilos, may eapad nga 42 pulgada ag edad nga haeos 60-anyos eon.
Sa pag-usisa sigon it Department of Environment and Natural Resources (DENR)-Aklan, mabagsik ro nasambitang pawikan ag uwa it anumang nina sa eawas.
Antes ginbalik sa dagat ro pawikan hay ginbutang raya it tag nga may tatak nga PH-11851 PAMD-DENR.
-- ADVERTISEMENT --
