KALIBO, Aklan—Maghalin sa pagiging tricycle driver ag peanut butter vendor hay naging successful ro mag-asawang Mr. Jerel May Olmedo, residente it banwang Altavas ag Mrs. Cristina Olmedo nga tumandok it Eastern Samar matapos nga magpartisipar sa sangka networking business.
Base sa panaysayon it mag-asawa naging inspirasyon nanda agud nga maghimakas ro mga naagyan nga kalisod kat sanda hay mabutang sa sangka sitwasyon kung sa siin bangud sa kakueangan it kwarta hay haeos sangkiri eun lang nadueaan it kabuhi si Cristina.
Dikara hay nag-isip sigon sanda it pamaagi agud nga mapahaoman ro posibleng matabo sa paeaabuton.
Hasta nga may nakilaea sigon sandang sangka persona nga nagsakay kanda samtang nagabiyahe it tricycle ag gin-engganyo sanda nga magsueod man sa kalibutan it pag-negosyo.
Sa makarun hay nakapundar eun sanda it pilang ka mga saeakyan, nakabakae it farm ag nakapatindog it maayos nga panimaeay.
