NATIONAL News — Sangka magnitude 5.8 nga linog ro tumama sa San Francisco, Southern Leyte, agahon it Huwebes bandang 7:39 a.m., suno sa Philippine Institute of Volcanology and Seismology (PHIVOLCS).
Ro linog hay natabu sa dagat, an-um nga kilometro halin sa San Francisco, nga may daeum nga 14 kilometro ag tectonic ro ginhalinan.
Nagkaeain-eain nga intensity ro gin-report it PHIVOLCS sa rehiyon: intensity VI sa San Francisco, intensity V sa pilang banwa it Southern Leyte, ag intensity IV sa pilang parte it Leyte ag Southern Leyte.
Ro mga manabang intensity hay gin-report man sa Cebu ag Cagayan de Oro.
Maskin nga ginaeauman ro mga aftershock, ginpaabot it PHIVOLCS nga nakaangkon it siyam nga aftershock nga may magnitudes nga hasta 2.9.
May pilang building man sa Panaon Island, Southern Leyte, nga nakaangkon it kasamaran ag mga giltak.
Ginpasiguro it PHIVOLCS nga ro linog hay bukon it bastante agud nga magtuga it tsunami.
