Pilang buean eon lang, Barangay ag SK Elections eon.
Sigurado nga makaron pa eang hay nagapabatyag eon ro mga kandidato.
Mataeupangdan eabi eon sa social media ro eksena it mga may plano nga magdumaea sa Barangay.
Ro pangutana, sin-o ayhan kanda ro may ‘K’?
Sin-o ro may ikasarang nga magpanguna ag maging mayad nga ehemplo?
Sambilog pa sa dapat nga kilatison hay kon sanda baea hay eakot sa ilegal nga hilimuon kapareho it droga.
Eabi pa ag suno sa Philippine National Police, kapin sa 430 nga barangay officials ro ginabantayan bangud sa ilegal nga droga.
Nagkaeain-eain ro partisipasyon ag bug-at it pagkaeakot it mga nasambit nga barangay officials sa drugs.
May una nga nagaserbing protektor, pusher ag financier sa operasyon.
Base pa sa intelligence report nga ginabuytan it PNP, pinakamaabu hay naghalin iya sa Region 6 ag National Capital Region.
Ro mga raya hay high value individuals samtang ro iba hay district levels eamang.
Rason nga indi gali maubus-ubos ro droga sa mga barangay, mismong mga opisyal hay eakot ag nagapanipueos.
Rason nga ro away makaron hay bukon eamang sa pulisya kundi sa mga pumueuyu man.
Gamiton naton ro maabot nga eleksyon bilang kahigayunan nga indi eon ibutang sa puwesto sa Barangay ro mga eakot sa drugs.
Tinguhaan natomn nga sa barangay level pa eang hay matapna eon ro problema sa droga.
Pilion naton ro mga magatau it proteksyon sa pamatan-on ag sa publiko.