KALIBO, Aklan–Napas-eawan ro Filipino pride nga si World Boxing Council (WBC) world featherweight champion Mark Magsayo sa andang pagsambuwa ni undefeated Mexican professional boxer Rey Vargas nga ginhiwat sa Alamodome sa San Antonio, Texas.
Suno kay Bombo International Correspondent Pinoy Gonzales it Texas, USA nga base sa pagtantiya it mga boxing analysist, owa ginkalitan ni Magsayo ro kahigayunan nga nahimo kara nga ma-knockdown si Vargas.
Maabu sigon nga mga boxing fans ro nagakanugon sa ginpakita nga hampang it Pinoy boxer.
Si Vargas hay nagdaog pinaagi sa split decision sa score nga 115-112, 114-113 kag 115-112.
Sa makaron, si Vargas eon ro nagabuyot it World Boxing Council (WBC) featherweight belt.Nasayuran nga raya man ro kauna-unahang kapas-eawan ni Magsayo sa anang boxing career.
