Nagapabilin gihapon ro magsobra 115,000 pamilya sa mga evacuation center sa 8 rehiyon kadungan it pagrekober it nasyon halin sa mga serye it mabaskog nga bagyong tumama sa nasyon.
Suno kay Department of Social Welfare and Development (DSWD) Spokesperson Assistant Secretary Irene Dumlao, padayon ro pagpaguwa it gobyerno it humanitarian assistance para sa mga apektadong residente.
Suno pa sa opisyal naipanagtag eun ro una sa 400,000 family food packs nga nagakahaega it P125 million humanitarian assistance sa mga lugar nga gindaeasa it bagyong Nika, Ofel ag Pepito.
May una man nga 1.3 million family food packs (FFPs) ro naka-preposition sa mga warehouse.
Nagpangako man ro DSWD it dugang nga 45,000 FFPs para sa probinsiya it Catanduanes nga eubos nga naapektuhan it bagyong Pepito.
