Linibo gihapon sa atong mga kababayan ro uwa nakabangon halin sa pagpanaeasa it mga nagtaliwan nga bagyo.
Sa datos halin sa National Disaster Risk Reduction and Management Council (NDRRMC) ku Biyernes, una sa kabilugan nga 7,233 pamilya ro nagarekober makaron halin sa 5 adlaw nga pagdaeasa it bagyong Marce.
Ro mga naapektuhan nga pamilya hay halin sa Ilocos region, Cagayan Valley ag Cordillera Administrative Region (CAR).
Sa datos it Office of the Civil Defense (OCD), ro mga gindaeasa nga pamilya hay na-displace ag kinahaeangean nga maghalin ukon magpanaw sa andang mga gina-istaran.
Apisar nga sa makaron hay uwa it naireport nga namatay sa epekto it bagyo.
Sa presente, haeos 4,000 pamilya ro nagapabilin sa mga evacuation center samtang may 960 pamilya ro nagadayon sa ibang lugar.
