-- ADVERTISEMENT --
KALIBO, Aklan — Patay ro sangka 46-anyos nga eaeaki sa alima it anang manghud matapos ro nagtuhaw nga banggi-anay samtang nagapa-uli maghalin sa sangka inuman sa Sitio Banloc, Barangay Manhanip, Malinao, Aklan.
Namatay samtang ginabueong sa Aklan Provincial Hospital bangod sa gin-agum nga lastro it pagpambuno sa tiyan ro biktimang si Rolando Yabut, residente it nasambit nga lugar.
Insigida man nga nagpaeageiw ro igmanghud kara nga suspek nga ginkilaea nga si Christopher Yabut, 38, residente man it nasambit nga lugar.
Suno kay SPO1 Josefino Baldomero, Jr. it Malinao Police Station, posibleng bangod sa kahilungon hay nag-angkon it diskusyon sa tunga it magmaeanghud ag matapos nga magka-initan hay ginbuno ni Christopher ro anang magueang.
