Nagapati ro Malacañang nga posibleng naka-apekto sa pagkapiyerde it Pilipinas para sa non-permanent seat sa United Nations Security Council (UNSC) ro mga nagakatabu sa pulitika sa nasyon.
Suno kay Presidential Communications Office Undersecretary Claire Castro, nakita it bilog nga kalibutan ro kinagamo sa pulitika rason nga nangin negatibo ro pagtan-aw sa Pilipinas it ibang nasyon.
Sa pihak it personal nga pagkampanya ni President Ferdinand R. Marcos Jr. para makabo-oe it pwesto sa UN Security Council, napiyerde ro Pilipinas sa Kyrgyztan matapos ro ap-at nga rounds it botohan.
Ro Pilipinas hay nakaangkon eamang it 49 nga boto samtang 142 ro naangkon it Kyrgyztan para sa Asia-Pacific seat para sa 2027-2028 nga termino.
Nauna eon nga ginpahayag it Department of Foreign Affairs (DFA) nga ginarespeto nanda ro desisyon it UN member states kadungan it pagpaabot it pagtamyaw sa Kyrgyztan.
