Ginpamilit it pamunuan it Philippine National Police nga may una nga naging mabahoe nga papel ro mga barangay sa pagsugpo it ilegal nga droga sa andang komunidad.
Sa sangka pahayag hay hinambae ni PNP Chief, Police General Rommel Francisco Marbil, sambati raya sa mga rason kun haman kinahangean nga makabuoe it suporta ro Barangay Anti-Drug Abuse Council.
Suno kay Gen. Marbil, makabulig raya para mapabaskog ro pagpatigayon it mga intelligence gathering it pulisya.
Dugang pa kara nga nagaserbeng frontliner sa andang mga anti- illegal drug operations ro Barangay Anti-Drug Abuse Council.Mageuwas kara hay mabahoe nga bulig man raya sa mga user ag pusher nga magbagong buhay.
Ro mga miyembro it Barangay Anti-Drug Abuse Council hay nagaserbeng mata sa andang komunidad para ma monitor ro mga ilegal nga drogang ginabagsak ag ginabaligya sa andang lugar.
