Ginpuna ni Senator Risa Hontiveros ro mahinay nga pag-take down it META sa livestreaming it pagpamaril sa Ateneo de Zamboanga University Junior High School.
Ginpamilit it senadora, hasta sa makaron hay may nakikita pa sa Facebook nga kopya it livestream video angot sa school shooting incident.
Sa pagpamati it Senate Committee on Women, ginpahayag ni Cybercrime Investigation and Coordinating Center Director Undersecretary Renato Paraiso, nga inabot it 14 minutes ro livestreaming sa Facebook it pagpamaril.
Limang minuto eon sigon kat una nanda nga nasayuran ro livestream it pagpamaril nga insigida nanda nga gin-report sa META ag insigida man nga umaksyon ag na-take-down ro livestream sa sueod it siyam nga minuto.
Apang gin-insister ni Hontiveros, masyadong mabuhay ro 14 minuto ag posibleng magamit pa ro video sa mga saea nga impluwensya .
Sa pihak kara, gin-aku ni Paraiso nga nag-live man sa ibang platform ro child in conflict with the law (CICL) nga makaron eamang nanda nasayuran sa tunga it imbestigasyon ag posibleng idtu mas pa nga nagkalhit ro video bangud nga owa it hurisdiksyon kara ro CICC.
Nag-apela si Paraiso sa mga senador nga magsueong it proposisyon nga magatau man kanda it hurisdiksyon sa ibang messaging platform web-based chat groups kapareho it Discord.
Ginpamilit ni Hontiveros nga dapat mag-boluntaryo ro META ag indi eamang itugyan sa CICC ro paglimpyo sa basura sa andang platform.
Owa it ginpadaea nga representante ro META sa pagpamati rason nga uman raya nga ginpadaehan it sueat it komite.
