Ginbatikos it sangka mamalidha ro plano ni dating Presidential Spokesperson Harry Roque nga magbuoe it asylum sa the Netherlands.
Suno kay House Deputy Minority Leader France Castro nga uwa man nagapangatubang sa political persecution si Roque para mag buoe raya it asylum.
Ginpamilit nana nga ro kinahangean ubrahon ni Roque hay umuli ag magatubang sa Quad Committee ag ipaathag ro anang koneksyon sa POGO.
Madumduman nga ginpa-contempt it quad comm si Roque matapos napas-eawang isumite sa komite ro mga dokumento pareho it income tax return, deed of sale ag SALN para mapamatud’an nga uwa imaw it koneksyon sa POGO operations.
Hinambae ni Castro nga pagatun-an it MAKABAYAN bloc sa kamara ro mga legal nga paagi para irekomenda sa The Netherlands nga indi pagbigyan ro hinyo nga asylum ni Roque. Kun tutuusin sigon, bukon it si Roque ro biktima kundi hay mismong mga Pilipino pa ro may dapat sukton halin kana.
