Suportado it Malacañang ro pagpatigayon it imbestigasyon sa reklamong ginpasaka kontra kay Health Secretary Jose Pujalte Jr. angot sa gina-alegar nga pagkaeakot nana sa sugae.
Suno kay Palace Press Officer Claire Castro, importanteng mausisa ro reklamo agud nga masayuran ro kamatuoran.
Magahueag man sigon si Pangueong Ferdinand Marcos Jr., kun may mapamatud-an nga ebidensya kontra sa sekretaryo.
Sa reklamong ginpasaka it mga nagpakilaeang “concerned citizens” sa Presidential Complaint Center, gin-akusahan si Pujalte nga pirme sigon nga nagasugae sa mga casino ag nagagamit it nagkaeain-eain nga alyas sa mga hotel.
Hugut man nga ginpamalibaran ni Pujalte ro mga alegasyon ag ginpamilit nga owa it kamatuoran ro mga raya.
Samtang, ginklaru it Malacañang nga owa kara ginasuportahan ukon ginakontra ro panawagang suspendihon ro sekretaryo samtang ginapatigayon ro imbestigasyon.
