Nagpaabot it pakikisimpatiya ro Malakanyang sa pagtaliwan sa pihak nga kinabuhi ni dating House Speaker Jose “Joe” de Venecia Jr.
Sa sangka pahayag, gin-describe ni Executive Secretary Ralph Recto si de Venecia bilang lider nga may kaisog ag malasakit sa pag-umwad it nasyon.
Gina-angkon sigon ni de Venecia ro “grit and grace” it sangka pinunong owa nalipay sa nakasanayan ag padayun nga nagaduso it mga reporma agud nga mabasag ro mga sabeag sa progreso.
Ginpabugae ni Recto ro naging kontribusyon ni de Venecia bilang diplomat, negosyante, ag mamalidha, halin sa pagsueong it kalinong, pagbukas it oportunidad sa mga trabahanteng Pilipino sa ibang nasyon, hasta sa pagpabakod it mga importanteng laye kontra sa monopolyo ag para sa mas maayos nga serbisyo publiko.
Ginpahayag kara nga magapabilin nga inspirasyon ro adbokasiya ni de Venecia para sa prinsipyo, pagkaeasugot ag makabayang pagdumaea.
