Naging madinaeag-on ro pagpasakop it banwa it Malay, sa pagpanguna it Municipal Tourism Office ag BBASS ukon Boracay Business Administration of Scuba Shops sa prestihiyosong Asia Dive Expo (ADEX) 2025 nga ginpatigayon halin Abril 4 hasta it 6 sa Suntec Convention and Exhibition Centre sa Singapore kabulig ro Tourism Promotions Board Philippines.
Naging katuyuan it nasambit nga partisipasyon nga ipakilaea ro Boracay bilang sambilog sa nagangunang dive destinations sa nasyon ag sa bilog nga kalibutan.
Ginapabugae it isla ro makolor nga marine biodiversity ag mga coral reef nga patok sa mga bag-uhan ag bihasang divers.
Ginpangunahan ro delegasyon nanday Mr. Rechan Casidsid, Ramil Aguirre, Michael Labatiao it BBASS, ag Aaron Tan nga tuyong ipa-eapnaag ro responsableng turismo ag mga proyektong makakalikasan.
Ro pagpasakop it banwa it Malay sa ADEX 2025 hay tikang paadto sa mas maeapad pang promosyon it sustainable ag inclusive tourism it nasyon.
