-- ADVERTISEMENT --
KALIBO, Aklan—Pabor ro Malay Tourism Office sa pagpaeawig it termino it Boracay Inter- Agency Task Force (BIATF) hasta sa pagtapos it termino ni pangueong Rodrigo Duterte.
Suno kay Malay Tourism Officer Felix Delos Santos nga pinaagi kara hay mapadayun ro mga naumpisahan nga proyekto kara sa isla it Boracay partikular ro implementasyon it 25+5 easement rule, pagtapos sa circumferential road ag mga drainage system.
Tuyo sigon it BIATF nga mapabilin ro naumpisahan nga paglimpyo ag rehabilitasyon sa isla ko 2018 matapos nga ipasarado raya it 6 nga buean.
Madumduman nga ginpirmahan ni pangueong duterte ro extension sa termino it BIATF ko Setyembre 14 ag magabuhay hasta sa Hunyo 30, 2022.
