KALIBO, Aklan–Nakalista it kaso it African Swine Fever ukon ASF ro sambilog pang banwa sa Aklan.
Gin anunsyo ni Malinao mayor Josephine Iquiña pinaagi sa ginpaguwa nga press statement nga may nailistang kaso it ASF sa daywang sitio sa barangay Lilo-an kamana man sa barangay Cogon sa nasambit nga banwa.
Ginasugid nga nakumpirma ro kaso it makataeapon ag makamaeatay nga viral disease sa sitio agsagnay ag sitio tagbuaya matapos nga magpositibo ro blood samples it pilang alagang baboy idtu.
Bangud kara, nagsaka eon sa 14 ro numero it mga banwa sa Aklan nga apektado it ASF nga ginakabig nga red zone.
Ro mga nagapabilin pa nga ASF free nga banwa hay ro Buruanga, Madalag ag Libacao.
Samtang, ginpahayag ni Punong barangay Manuel Tomilloso it Lilo-an, Malinao nga restricted anay ro hueag it mga baboy sa nasambit nga lugar kun sa siin temporaryong ginsuspinde ro pag-isyu it certification partikular ro permit to transport.
Ginpahayag dugang nga medyu ginaeauman eon nanda ro pag-angkon it kaso it ASF sa andang lugar ag ginahueat eon lang ro confirmatory result kasunod it gulping pagkamaeatay it mga alagang baboy.
Mag-eowas kara, ro anda sigon nga lugar hay dueunan it banwa it Lezo ag Makato kun sa siin nakalista eon it kaso it sakit.
