Nagpanindugan si Senador Rodante Marcoleta nga owa nana nakikita ro anang kaugalingon nga magapasakop sa impeachment trial ni Vice President Sara Duterte kun magapadayun ro mga pagbista sa pamaagi nga suno kana hay naga-eabag sa Konstitusyon.
Uman nga gin-kwestiyon ni Marcoleta ro pagtaeana kay Senador Francis Escudero bilang presiding officer it Senate Impeachment Court. Ginpamilit nana nga ro Senate President eamang ro dapat nga magpamuno sa impeachment trial, mag-eowas kun ro Pangueo mismo ro ginabista.
Nagpaguwa it pahayag si Marcoleta matapos talakayon it impeachment court ro isyu sa 16-vote threshold para sa conviction. Ginaeauman nga magadesisyon ro mga senator-judges kun pagabag-uhon ro nasambit nga voting threshold matapos pamatian ro mga argumento it depensa ag prosekusyon.
