Ginkumpirma it Department of Foreign Affairs (DFA) nga makauli eon sa nasyon si Mary Jane Veloso sa maabot nga Disyembre 18.
Suno kay DFA Undersecreteray Tess Lazaro, nga bandang alas-6:00 it agahon sa Disyembre 18 hay makaabot eon sa nasyon si Veloso.
Madumduman nga naaresto ro 39-anyos nga si Veloso bangud sa pagbitbit it iligal nga droga nga heroin nga nagabug-at it 2.6 kilos sa Indonesia ko 2010.
Dag-on 2015 kat kanselahon ni Pangueong Joko Widodo ro pagbitay kana bangud sa human trafficking.
Ko Hunyo 2023 kat ginbisita imaw it anang pamilya sa Yogyakarta ag ko Enero hay umapela ro mga raya kay Pangueong Ferdinand Marcos Jr para sa anang clemency.
Ko buean it Nobyembre kat ginhambae ni Pangueong Marcos nga makaangkon it kasugtanan ro Pilipinas ag Indonesia nga isaylo sa nasyon si Veloso kon sa siin ginpasaeamatan kara ro bag-ong Presidente it Indonesia nga si President Prabowo Subianto.
