Nakaabot eon it Pilipinas ag ginpasaeamatan ni Mary Jane Veloso si Pangueong Ferdinand Marcos Jr ag Indonesian Prabowo Subianto ag tanan nga mga nagbulig para imaw hay makabalik sa Pilipinas matapos ro 14 anyos nga pagkakulong sa Indonesia.
Suno kay Veloso, gusto nana nga makapag-simba pag-abot sa Pilipinas.
Kaibahan nana nga sumakay sa eroplano ro pilang mga opisyal it Department of Foreign Affairs (DFA) sa pagpanguna ni Undersecretary Eduardo de Vega.
Pag-abot nana sa Pilipinas makaron nga agahon hay magadiretso eagi raya sa Correctional Institution for Women sa syudad it Mandaluyong para sa limang adlaw nga quarantine.
Madumduman nga nagapangatubang sa penalidad nga kamatayon ro 39-anyos nga si Veloso matapos nga madakpan it 2.6 kilos it heroin sa Indonesia ko 2010.
Dag-on 2015 kat temporaryong ginkansela kato ni Indonesian President Joko Widodo ro nakataeanang pagbitay kana.
Ko buean it Nobyembre hay nakaangkon it kasugtanan ro Pilipinas ag Jakarta para isaylo sa nasyon si Veloso.
