KALIBO, Aklan— Masobra sa P10 million ro haega it kasamaran ag gina eauman nga magasaka pa samtang naga padayun ro imbestigasyon itBureau of Fire Protection Unit (BFP)-Boracay matapos ro haeos limang oras nga sunog sa D’ Talipapa sa Sitio Manggayad, Brgy. Balabag, Boracay.
Suno kay Senior Fire Inspector Rowell Limjuco it BFP-Boracay, madasig nga kumalat ro kaeayo ag umabot sa ikaywang alarma ro nasambitang sunog bangud kaabuan sa mga stalls agboarding houses hay himo sa light materials.
Naga padayun ro pagtumod it anggulo kun siin naghalin ro kaeayo ag gina sa pinal pa ro mga natipon nga impormasyon maghalin sa mga first responders agmga witnesses sa lugar kun siin nag umpisa ro sunog.
Samtang, insigidang nagpatawag it emergency meeting si Mayor Ceciron Cawaling it LGU-Malay hanungod sa insidente ag natumod nga nakaangkon it problema sa pagtapna it kaeayo bangud sa kakueangan it fire hydrant.
Gin pasiguro it alkalde nga pagataw-an raya it naga kaigong igtaeupangud agud indi eon mauman ro nasambitan nga insidente ag gin promisa ro bulig it LGU-Malay sa tanan it mga apektadong residente agnegosyante sa isla it Boracay.
