Masobra sa 20 establisyimento sa Boracay kaeakip sa job fair antes ro re-opening

KALIBO, Aklan– Gin-anunsyo it Public Employment Service Office (PESO)-Malay ro pagahimuong daywang adlaw nga job fair nga paga-eakipan it 20 mga establisimento sa isla it Boracay nga maga-umpisa hin-aga nga adlaw, Setyembre 28 hasta it 29 sa Malay Covered Court.

Suno kay Jona Solano, administrative officer IV it PESO-Malay nga ro job fair hay ginhinyo mismo it mga establishment owners sa isla nga nagakinahang-ean it empleyado antes ro uman nga pagbukas it Boracay sa Oktubre 26.

Kapin sa 20 establisimento ro magabaton it aplikante para sa nagkaeain-eain nga posisyon ag prayoridad ro mga taga-banwa it Malay.

Raya hay kasunod it bag-ong regulasyon it inter-agency task force nga nagbawae nga makaangkon it boarding house ag staff house sa isla.