-- ADVERTISEMENT --
NATIONAL News —- Nagpatigayon it magkaseparadong rescue operations ro gobyerno sa Cebu bangud sa grabeng pagbaha daea it mabaskog nga pag-uean umpisa kahapon, Setyembre 9.
Base sa report, kabilugan nga 467 nga pamilya ukon 1,837 nga mga indibidwal ro ginbakwit sa mga gym ag pampublikong eskwelahan sa Mandaue City matapos nga mag-eapaw ro Butuanon River.
Suno kay Mayor Jonas Cortes it Mandaue City, ro mga evacuees hay halin sa mga barangay it Paknaan, Casuntingan, Tabok, Tingub ag Umapad.
Mag-eowas kara, may una man nga mga pamilya ro gin-evacuate sa banwa it Consolacion bangud nga ginsueod eon it tubi baha ro pilang ilistaran partikular eon sa barangay Lamac.
