Umabot eon sa 4,241 overseas Filipino workers (OFWs) ag andang mga dependents ro naibalik sa Pilipinas halin sa Middle East sa tunga it nagapadayon nga kinagamo suno sa Department of Migrant Workers (DMW).
Pinakamataas ro nailistang numero it nag-abot sa sang adlaw kat umabot sa 344 repatriates ro sakay it sangka chartered flight ko Abril 3 sa Villamor Air Base.
Kaibahan kara ro 228 OFWs, 68 dependents, ag 48 stranded Filipinos.
Una kara, nag-abot man ro 244 OFWs halin sa Bahrain sa pinaagi it commercial flight.
Suno sa DMW, ginaeauman pang madugangan ro numero it magauli, kaibahan ro masobra sa 1,500 OFWs nga presenteng nagahueat it repatriation nga kaeabanan hay halin sa United Arab Emirates.
Ginpasiguro it gobyerno ro padayon nga bulig sa mga repatriate, kaibahan ro temporaryong madayunan, pangabuhian ag job matching programs agud mabuligan sandang makabalik sa trabaho.
