Gin-asistehan it Philippine Red Cross (PRC) ro kabilugang 6,208 indibidwal sa kasagsagan it pagdumdom it Biyernes Santo, Abril 3.
Sa ulihing datos it PRC bandang alas-singko it hapon, mayorya it mga kaso ukon kapin sa 5,682 nga indibidwal hay gin-usisa ro vital signs ag nagpaidaeom sa blood pressure monitoring.
Ginrespondehan man it PRC ro 498 minor injuries ag 22 major medical emergencies.
Suno sa PRC, kapin sa 1,405 staff ag volunteers ro naka-deploy sa ground kaibahan eon sa transport hubs, pilgrimage sites ag major highways.
Naka-high alert man ro 73 ambulances, 341 First Aid Stations ag 63 Welfare Desks, 75 Foot Patrols kaibahan ro specialized units kaparehas it mobile clinic ag rescue boat para masiguro ro kaeowasan it tanan sa tyempo it pag-obserba it Semana Santa.
