KALIBO, Aklan—Padayun nga gina-imbitahan it office of the provincial public employment service manager it lokal nga gobyerno it Aklan ro mga naga-usoy it trabaho nga magpasakop sa andang aklan career expo ukon ACE job fair nga nag-umpisa adlaw it Huwebes, Hulyo 4 hasta sa Biyernes, Hulyo 5.
Suno kay Sharon Mae Julian, Labor Officer 1 it PESO-Aklan nga ginapatigayon ro job fair sa NVC gym nga makit-an sa Barangay Estancia, Kalibo umpisa alas-9 it agahon hasta alas-4 it hapon.
Haeos 38 nga partner companies ro nagpasakop sa job fair ag nagatanyag it masobra sa 9,000 nga job vacancies.
Sa nasambit nga numero, kapin sa 26 nga lokal nga kompaniya ro may daea nga masobra sa 2,000 nga mga bakanteng posisyon samtang 12 nga mga lisensiyadong overseas recruitment agencies nga may 7,000 nga mga valid job orders ro pwedeng ma-aplayan it mga akeanon nga naga-usoy it trabaho.
Ginalaygayan ro mga aplikante nga magdaea it maabung kopya it andang mga resume ag iba pang kinahangeanon nga mga dokumento , mag-praktis sa pagsabat sa interview ag magsuksok it presentableng eambong .
