National News———Naga-eutaw makarun nga 60% it COVID-19 patients nga naka-confine sa Philippine General Hospital (PGH) hay bukon pa it bakunado kontra sa virus.
Katumbas raya it 16 maghalin sa 27 mga pasyenteng infected sa nasambitang ospital nga imaw ro nagapangunang referral facility para sa mga kaso it COVID.
Bangud kara hay ginatinguhaan it mga tawuhan it ospital nga mas maabo pa ang magpabakuna, mas kapin ag maabo eun nga vaccine ro maeapit eun lang nga indi mapuslan bangud sa expiration sa mga masunod nga buean.
Suno kay Dr. Evalyn Roxas, infectious disease consultant, 12 kanda ro naka-admit sa COVID-19 wards samtang ap-at ro una sa intensive care unit (ICU).
Samtang, 11 man sa mga pasyente ro nakakumpleto eun it andang primary series apang sambilog eamang kanda ro nakapagpaturok eun it booster shot.
