Ginbulgar it dating Commission on Audit–Intelligence and Confidential Fund Audit Office (COA-ICFAO) State Auditor nga si Roderick Wamil nga nag-abot sa P40 milyon halin sa confidential funds ni Vice President Sara Duterte ro gingamit para sa medical ag food aid.
Base sa mga resibong ginsumite it Office of the Vice President, nagguwa nga ro nasambit nga pondo hay gintaeana sa mga transaksyong owa ginapasugtan sa idaeum it ginapatuman nga patakaran.
Suno kay Wamil, klaru nga eabag sa regulasyon ro paggamit it confidential funds para sa mga nasambit nga items.
Mga resibong gin-presentar sa Impeachment Court nga may sueod nga mga pangaean ag kantidad nga nabaton:
| Mary Grace Piattos | P70,000 |
| Nova Piattos | P85,000 |
| Renan Piattos | P110,000 |
| Andy Lim | P50,000 |
| Alejandro Pikit | P90,000 |
| Feonna Biong | P80,000 |
| Sisfrunio Balsac | P70,000 |
| Mico Harina | P295,000 |
| Janice Marie Revilla | P70,000 |
| Patty Ting Gabriela Bisaya | P150,000 P70,000 |
Suno sa House prosecution panel, ro mga nasambit nga dokumento hay puro opisyal ag pirmado ni VP Sara Duterte. Dugang pa ni Atty. Kapunan, approbado mismo it bise presidente ro mga nasambit nga transaksyon.
