NATIONAL News — Ginaeauman nga magataas ro presyo it mga produktong petrolyo sa masunod nga domingo suno sa Department of Energy (DOE).
Ro gina-estimate nga pagtaas hay P1.10 hasta P1.40 sa gasolina, samtang sa diesel hay P1.70 hasta P1.90 ag Kerosene nga may P1.10 hasta P1.20.
Ginpahayag ni DOE Oil Industry Management Bureau Director III Rodela Romero nga ro nasambit nga estimate hay base sa ap-at nga adlaw nga international trading.
Ginpahayag ni Romero nga nagtaas ro presyo it langis sa nagtaliwan nga ap-at nga araw bangud nga ginaeauman nga pagabuhinan it bagyo ro output it Estados Unidos sa Gulpo it Mexico, na-delay nga mga plano it OPEC+ nga pataasan ro produksyon sa Disyembre, ag ro US Federal Reserve hay nagplano nga magahatud it sambilog pang pagbawas sa rate it interes.
Ro iba pang contributing factors hay ro pagnaba it balor it piso, ro premium nga gindugang sa pagbakae it mga produktong petrolyo, ag ro balor it kargamento, suno kay Romero.
Samtang, ginpahayag ni Romero nga ro mga lugar sa idaeum it State of Calamity hay kinahangean nga magsunod sa price freeze it LPG ag Kerosene sa sueod it 15 diyas pagkatapos it deklarasyon kara.
Kaeabanan nga naga-anunsyo it price adjustments ro mga kumpanya it langis kada Lunes para ipatuman sa masunod nga adlaw.
