Ginatantya it National Food Authority (NFA) ro masobra tunga sa bilyon pesos nga kita halin sa mga naibaligya nga bugas makaron nga 2024.
Raya hay matapos aprubahan it NFA council ro price hike nga P38 pesos kada kilo it bugas nga ginabaligya sa Department of Social Welfare and Development (DSWD) ag iba pang ahensya it gobyerno.
Ginpahayag it NFA, ginpasugtan it DSWD nga miyembro man it council ro nasambit nga haega it produkto.
Suno kay Agriculture Sec. Francisco Tiu Laurel Jr. nga makabulig raya para mabuhinan ro pagkalugi it NFA ag dugang nga pondo agud makabakae pa it mas maabong paeay halin sa mga mangunguma.
Ginpasiguro ni NFA Administrator Larry Lacson nga ro pagtaas it presyo sa DSWD, pati eon man sa iba pang mga ahensya hay inde makaapekto sa presyo it bugas sa merkado.
Ro anumang polisiya sigon hay nakabase sa angay nga konsultasyon ag pag-apruba it mga nagakabagay nga taeatapan.
