Ginpahaom eon it Davao Region PNP ro hasta sa 200 ng kaso kuntra sa ginasugid nga mga protector ni Kingdom of Jesus Christ founder Apollo Quiboloy.
Suno kay Davao Police Regional Office (PRO 11) Regional Director Police Brig. Gen. Nicolas Torre III, ginabilog it pulisya ro tanan nga mga mahimo nga igapasaka nga kaso kuntra sa mga tagasuporta ni Quiboloy nga naging kabangdanan kung haman nabuhayan ro pag usoy sa kontrobersyal nga pastor.
Suno kay Torre, gintaeana eon nana ro mga police director nga sa idaeom it Davao Region PNP nga magpahaom it hasta sa 10 nga kaso sa kada indibidwal nga natumod nga nagbulig sa pagtago ni Quiboloy.
Mag eowas sa mga suporter, magadihon man sigon ro anang pulisya it mga kaso kuntra sa mga indibidwal nga may impormasyon angot sa gintaguan ni Quiboloy nga ginhungod nga uwa makipagbuligan sa PNP ag ginhungod nga itago ro mismong impormasyon sa PNP.
Kaibahan sa kaso nga igadihon hay ro obstruction of justice, disobedience, ag ibapa. Samtang, magapasaka man ro pulisya it hiwalay nga sedition charge kuntra sa mga miyembro it KOJC nga nag intra sa natabo nga blockade o pagharang sa Carlos P. Garcia highway ko August 25.
Ro mismong karsada hay ro daean paadto sa KOJC compound. Ikara natumod ro mga pilang ka personalidad, kaibahan eon ro sangka retiradong army general.
Suno kay Torre, gamiton it pulisya ro mga video ag picture nga nabuoe sa kasagsagan it PNP operation gamit ro mga body camera.
