KALIBO, Aklan — Generally peaceful and organized ro naging assessment it Commission on Elections (COMELEC)-Aklan sa bag-o eamang natapos nga eleksyon.
Suno kay Comelec-Aklan spokesperson Chrispin Raymund Gerardo nga sa pihak it mga ginapangatubang nga mga hangkat, owa ginpasaka ro klasipikasyon it probinsiya ag nagpabilin raya sa anang green category status.
Owa suno kana it nailistang violence-related incident sa bilog nga probinsiya ag ro pilang mga maisot nga technical problem eamang angot sa automated counting machine ro andang nabaton nga report bangud sa mainit nga paniempo ag dere-deretso nga paggamit it makina bangud sa kaabuon it mga botante.
Sa pihak nga parte, ginpadumdum ni Gerardo ro obligasyon it pilang mga politiko partikular ro boluntaryo nga pagbak-eas sa andang mga campaign materials ag ro pagsumite it Statement of Contribution and Expenditures (SOCE), nga ro deadline sa June 11 ukon 30 diyas pagkatapos it eleksyon.
Sakop sigon it SOCE ro tanan nga gastos sa kampanya kaibahan ro pakaon sa mga political rally, gastos sa sound system ag iba pang mga ginbayaran.
Sa pihak nga parte, ginkumpirma ni Gerardo nga hasta nga indi maamyendahan ro laye bag-o, madayun ro Barangay and SK election sa Disyembre 2025.
Posible suno kana nga pagkatapos it filing it SOCE, uman nga pagabuksan ro voter’s registration sa bilog nga nasyon.
