Ginatumod makaron kon sin-o ro alkalde nga gina-intriga nga naka-nabdos it anang staff sa munisipyo.
Suno sa impormasyon, guwapo ag kwartahan ro alkalde rason nga maabu nga babaye ag bading ro nagaka-interes kana.
Ro nasambit nga mayor hay bukon it bilib kay Andrew E. bangud nga bawae ro panget sa anang opisina.
Puro may hitsura sigon ro anang ginabo-oe nga staff agud nga raya hay ganahan sa pagtrabaho.
Nasagap it pilang Marites, sangka staff ro nagustuhan ni mayor ag pirmeng ginadaea-daea sa mga paeanawon eabi eon kon gabi-i.
Sa pirmeng pagsunod it staff sa mga event ni mayor, gindaea man nana raya sa bar nga pirmeng ginatambayan it public official.
Bangud nga tumungga it aeak ro babaye, nakaangkon it kahigayunan si mayor nga may natabu kanda it daeaga.
Owa nagbuhay hay nagbunga ro hingalit nga kalipay it daywa rason nga ginkinahangean it babaye nga mag-leave sa trabaho agud nga indi pagdudahan it publiko.
Suno sa pilang Marites, owa sigon it plano si mayor nga pakaslan ro nabuntis nga staff kundi magatau eamang it sustento para sa pag-unga kara ag sa magiging baby.
Kilaeang choosy ro ina it mayor samtang ro anang ama hay allergic man pag-abot sa mga long-term relationship.
Clue — ro mayor nga gina-intrigang nakabuntis it staff hay artistahon ro porma ag may letrang B sa pangaean as in babaero.
