KALIBO, Aklan–Preparado eon ro bilog nga pwersa it Municipal Disaster Risk Reduction and Management Office (MDRRMO)-Kalibo para sa pagtao it seguridad sa nagahilapit nga selebrasyon it piyesta minatay.
Suno kay MDRRMO-Kalibo Head Terence Toriano nga magabutang sanda it mga personnel sa kada sementeryo it banwa para masiguro ro kaeuwasan it publiko ag makatao it madasig nga assistance engkaso nga makaangkon it emerhensiya.
Kaeabanan sigon sa gina-respondehan nanda kada Undas hay ro mga nagakalipong bangud sa sobrang kainit it tyempo.
Ginpadumduman man kara ro publiko nga sundon gihapon ro health and safety protocols partikular ro pagsuksok it face mask sa sueod it sementeryo.
Sambilog pa sigon sa mga indi dapat pagkalipatan hay ro pagdaea it tubi ag payong.
Ginpahayag dugang nga maga-umpisa ro andang deployment sa Oktobre 31 hasta Nobyembre 2.
