Ginaduso makaron ni Kalibo sangguniang bayan member Ketchie Luces nga makapatindog ro lokal nga gobyerno it Kalibo it sangka mental health facility.
Raya hay matapos nga mataeopangdan ro pagkalhit it mga indibidwal nga may deperensya sa paino-ino.
May kaangtanan kara, nakipag-angot sigon imaw kay Kalibo mayor elect Juris Sucro nga masuportahan ro anang proposisyon bangud nga natyempo eon sigon nga makaangkon ro banwa it pasilidad nga makabulig sa mga indibidwal nga inde masarangan nga maipabueong it andang tagsa ka pamilya.
Ginpahayag dugang ni Luces nga may mga nagawinarang sa Kalibo nga bukon it residente it banwa rason nga nagakadapat nga magbilog it sangka task force nga maga-trace sa ginhalinan it mga raya ag makilaea ro andang pamilya.
Nauna eon nga ginbutang it LGU sa motorpool ro daywang may deperensya sa paino-ino bangud sa perwisyon nga ginkriar it mga raya sa Kalibo public market
