KALIBO, Aklan—Dapat nga tutukan it mga ginikanan ro mental health it andang mga iunga makarun nga nagapangatubang sa gihapon it pandemya ro nasyon tuga it Coronavirus Disease 2019 ukon COVID-19.
Suno kay Mrs. Jenelyn Nama Itulid, Focal Person on Children, it Provincial Social Welfare and Development Office ukon PSWDO-Aklan, nga eubos nga naapektuhan ro mga pamatan-on makarun bangud sa nagkaeain eain nga hitabo.
Apang sa pihak kara, dapat mabatyagan it mga raya nga may una sa gihapon nga pag-eaum.
Samtang sa sueod it panimaeay makarun nga may ginapatuman nga community quarantine hay pwede man suno pa kanang gamiton rayang bonding it kada pamilya.
Pwede man nga magbueoligan sa pag-intindi ag pagsabat it module.
Samtang gin-engganyo man kara ro mga ginikanan nga kung may nakit-an ukon nababatyagan nga kakaiba sa andang unga hay taw-an eagi raya it oras ag maeawig nga paino-ino.
Dikara, posibleng malikawan ro depression nga posibleng magresulta it grabe nga kahalitan sa sangka presona.
