KALIBO, Aklan–Nagapadayun ro mga aktibidad it mga bisita ag partisipante sa ika-126 plenary assembly and retreat commenced it Catholic Bishops Conference of the Philippines (CBCP) sa probinsya it Aklan.
Suno kay Fr. Tudd Belandres, Parish moderator it St. John the Baptist Cathedral nga manami ro daeagan it andang pagtinir kung siin padayun ro andang pagtao it positibong panan-awan.
Kada hapon suno kana hay nagapatigayun sanda it misa sa Kalibo Cathedral kung siin ro mga Obispo mismo halin sa ibang probinsya ro nagamisa.
Padayun man kara nga ginakangay ro tanan nga magtambong sa misa eabi pa ag nakataeana nga magpatigayun it misa pasado alas-7:00 hin-aga it agahon ro Apostolic Nuncio.
Samtang, sa adlaw it Sabado si Cardinal Advincula mismo ro magamisa.
Raya sigon hay sangka tumaeagsahon nga kahigayunan sa probinsya it Aklan rason nga dapat natun kalitan.
Dugang pa ni Fr. Belandres nga magabutang sanda it sound system sa guwa it Cathedral agud mapreparahan ro pagdagsa it manugsilimba eabi eon sa adlaw it Dominggo.
