BORACAY, Island — Ginausisa eon makaron ro mga baeayran sa turismo sa isla it Boracay agud masiguro ro kompetisyon kara kontra sa mga nagapangunang destinasyon kaparehas it Bohol ag Palawan.
Tuyo kara nga makaengganyo it mas maabong dumueoong bisita ag mapabilin ro kapagsik it industriya it turismo.
Suno kay DILG Western Visayas Regional Director Juan Jovian Ingeniero, presenteng nakikipag-angot ro Department of Tourism, mga opisyal it gobyerno probinsyal it Aklan, lokal nga gobyerno it Malay, ag iba pang stakeholders agud talakayon ro nasambit nga isyu.
Pagatalakayon pa sa mga masunod nga pueong kon kinahang-ean it mga pagbag-o sa nagairal nga ordinansa it Malay agud maipanaba ro baeayran ag maengganyo ro mas maabong dumueoong turista.
Nasayuran nga bago ro pandemya, patas ro numero it domestic ag foreign tourists sa Boracay.
Apang sa makaron, mas maabo ro mga lokal nga turista rason nga ginaduso nga maibalik ro dating 50-50 nga proporsyon.
Mag-eowas kara, ro mga bisita hay magabayad it P150 pesos nga terminal ag environmental fees, dugang pa ro another environmental fee bago maghalin mag-eowas sa gastos sa pamasahe sa motorboat.
