KALIBO, Aklan — Ginkumpirma it pamunuan it Aklan Police Provincial Office (APPO) nga nabaton eon nanda ro mga bag-ong logistical equipment halin sa Police Regional Office 6 pinaagi sa andang property custodian.
Suno kay P/Master Sgt. Jane Vega, tagapaghambae it Aklan PPO nga tuyo kara nga mas pa nga mapabaskog ro andang operational capability.
Raya hay ginaeakipan it communication ag mobility assets kapareho it night vision monoculars, enhanced combat helmets, handheld radios, raincoats, life vests, ag kariton para sa andang mga patrol cars.
Mag-eowas kara, nakabaton man sanda it sangka generator set.
Dugang pa ni Vega nga gin-abisuhan man ro APPO nga recipient sanda it dugang nga armas nga owa pa ma-release.
Ro mga nabaton nga equipment hay nakataeana sigon nga iga-distribute sa nagkaeain-eain nga municipal police stations sa Aklan ag mobile force company.
Ginpaathag dugang nga importante ro nasambit nga mga kagamitan sa padayun nga pagpa-improve it trabaho it mga pulis ag pagtau it may kalidad nga police service.
Eubus sigon raya nga makabulig sa andang operasyon partikular sa police visibility ag ikasarang sa pagresponde sa anuman nga emergency.
