Ginpangunahan ni Comelec Chairman George Erwin Garcia ro programa para sa turnover it mga bag-ong printing machines ag printing of test ballots ko adlaw it Sabado.
Ginpatigayon raya sa National Printing Office (NPO) sa Diliman, Quezon City.
Suno kay Garcia, sa mga masunod nga inadlaw hay magiging puspusan eon ro pag-imprenta it mga balota rason nga importanteng maipahaom eon ro mga pasilidad para sa full blast election preparations.
Apang, gin-insister kara nga maskin nakaangkon eon it filing it certificate of candidacy ko unang dominggo it Oktubre, tayuyon ro bidding process it mga ginbilog nga lupon it poll body.
Tuyo kara nga inde madiskaril ro pagpahaom sa eleksyon.
Maging sa tyempo it bagyo hay may mga pueong gihapon nga ginatambungan ro mga nagadumaea sa komisyon.
Samtang, nagpadumdom si Garcia nga sa adlaw it eleksyon, sangka balota eamang ro nakataeana para sa botante rason nga dapat maging madahan ro kada isaea.
Uwa it igataeana nga extra ballots bangud sa dugang gastos eamang raya para sa printing process.
